قصة الأبونا مجدي متل ما هيي... "الوجع يلي ما بيخلص"
شارك هذا الخبر
Friday, May 23, 2025
على حساب "قضاء كسروان" عبر موقع فايسبوك
رح خبركن يلّي ما تخبّر بالاعلام... ابونا مجدي كان ماشي عالطريق نهار الحادث... ومعو الشباب يلّي بيضلوا معو بالجمعية... وفجأة بيلاقي سيارة جايي صوبن طايرة من السرعة... حمل الابونا الشاب يلي قدامو حتى ما يتأذى وإجت الضربة كلها عليه... وبنفس الوقت طلع في سيارة جايي بالاتجاه المعاكس... كمان خبصتو وصار يلي صار... ووصل للموت بالأرض... وما قال شي بهاللحظات غير "شكرا يا يسوع"... القصة مش هون... القصة انو خضع لعدة عمليات... وعندو بعد ٤ عمليات لازم ينعملوا... وأكيد لما اجو الدرك عالمستشفى وشافوه بالعناية الفايقة... الابونا أسقط حقو لأنو "ابن يسوع"... بس لليوم... الناس يلي خبصوه ما إجو لعندو... ما عرف مينن... ما سألوا عنو لا من قريب ولا من بعيد... السؤال هوي "مين وراهن؟ عالقليلة اذا عندن Assurance مفروض يتكفلوا فيه" لأنو درب الجلجلة الاستشفائية طويل"... شكرا للنائب نعمت فرام يلي ما ترك الابونا وتكفل بعملياتو بالمستشفى وشكرا للدكتور جوزيف الشامي يلي قام بالواجب بالمستشفى تبعو... بس الابونا عندو شهر بعد بمركز اعادة تأهيل... عندو بعد عمليات ما انعملت... ليه هالقساوة؟ ليه هالأذى؟ ليه هالاهمال؟ ليه ابونا كل حياتو بيشحد حتى ما يبقى مريض بلا طبابة... اليوم هوي عم يشحد الطبابة... والتأهيل بمستشفى القرطباوي... الحق العام وين؟؟؟؟... الجهات المعنية وين؟؟؟... بس حكينا سوا بالموضوع قلّي "بيي صليلي حتى بس قوم بالسلامة اعمل مركز تأهيل للفقراء... الفقير بيستكتروا عليه العملية... والتأهيل بس للأكابر... وهالمركز رح اعملوا بذكرى انتقال ماتيو عالسما... الفقير يا بيي كتيرة عليه الحياة... الفقير لازم يموت"... هيدي قصة الأبونا متل ما هيي... هيدا الوجع يلي ما بيخلص... هيدي قصة العدالة الناقصة... والزعران المخبايين ببيوت الأكابر... ما توقفوا صلاة... وشكرا لكل حدا عم يساعدنا لنوصّل الصوت🙏 صلوا صلوا لا تملوا...
