جويل مردينيان تُثير الجدل بتصريحاتها عن زوجها وانجاب الأطفال
شارك هذا الخبر
Wednesday, June 11, 2025
كعادتها، أثارت خبيرة التجميل جويل مردينيان ضجة كبيرة بتصريحاتها الجريئة عن حياتها الشخصية والمهنية وعن زوجها، خلال استضافتها في برنامج "منا وفينا".
وأكدت أن "المرأة بالنسبة لها عي القدوة الكبيرة في عملها في الخارج وفي الاهتمام مع عائلتها"، مشيرة إلى أنها "انسان بحب راضي الكل، وأنا تعبانة من سنين بس هلق خف لأن في كثير أمور تخطيتها، وما بقا بهمني انه لازم أسعد الآخرين حالياً أنا قطعت نصف حياتي وصحتي أهم".
وعلى الرغم من اهتمامها الدائم بشكلها وحرصها على الاهتمام ببشرتها وبإجراء بعض التعديلات التجميلية على شكلها، ولكنها أكدت أنها لا تخاف من العمر، وقالت: "أنا ما بدي ختير شكلياً ما بتقبل هالشي. في جزء من عقلي بقلي أنه صرتي بنص عمرك وجزء ثاني بقلي انت بعدك صغيرة وأنا بحس حالي انه بعدني صغيرة خاصة لما كون بصحة منيحة. أكيد أنا عم اتغيّر وكنت جذابة أكثر في السابق"، مشيراً إلى أنا "فخورة في سني، وأحب أن أشجع السيدات على ان تفتخر بكل المراحل العمرية التي تمرّ بها، وأنا أحب عندما ينظر لي الناس ويعطوني عمراً أصغر من سني الحقيقي".
وأكد أنها تلتفت جداً إلى السيدة التي تهتم بأطفالها، وقالت: "أحلى شي وأسوأ شي الأولاد، لأن بحاجة للكثير من الرعاية والقلق، وبالتالي اللي مش قاتل حاله انه يجيب اولاد أفضل ما يجيب، فيهن يعملوا اللي بدهم اياها ويكونوا مش قلقانين على الاولاد. وأنا ما بدي عتل أولادي همي بس صير بسن الشيخوخة. هيدي أنانية اللي بفكر أنه يجيب أولاد كرمال يهتموا فيهم بس يكبروا وكون عبء عليهم"، مضيفة: "أنا مشكلتي مع الناس اللي ما معها مصاري وبتجيب كثير أولاد، على حياة مأساة وكرمال يصرف عليهم بعمر صغير".
وأكدت أنها تشعر دائماً بالقلق في حياتها، مضيفة: "زوجي ليس مصدر أمان لي وأقول لزوجي هذا الأمر فهو لايزعل تماماَ لإن هذه الحقيقة وشخصياَ أنا لست مصدر أمان له. وكل شخص يجب أن يكون مصدر أمان لذاته".
