خلال احدى المقابلات، فجّرت الفنانة نهال عنبر مفاجأة من العيار الثقيل عن زواجها حيث كشفت عن أنها متزوجة منذ أربع سنوات، لكنها لا تحب الظهور مع زوجها أو الحديث عنه.
قالت نهال: "أنا متزوجة بقالي أربع سنين لكن أنا مش بتكلم في حياتي الخاصة، هو من خارج الوسط، مش بنشر صور معاه لأني أنا بحب حياتي الخاصة تكون مقفولة عليا بالمفتاح مبحبش حد يعرف عني حاجة".
وأكدت نهال عنبر أن إخفاء حياتها الخاصة عن جمهورها ليس خوفًا من الحسد لكنها تفضل ذلك قائلة: "أنا مش قصدي عشان حسد لكن ربنا بيحب أننا منبعترش حياتنا، حتى على مواقع التواصل الاجتماعي مش بنشر حاجة خاصة بيا، ولا حياة ابني ولا حياة أحفادي، حياتي الخاصة متشمعة بالشمع الأحمر".
وعن فارق العمر بينها وبين زوجها قالت نهال عنبر: "العمر مش بيفرق معايا سواء أصغر أو أكبر مني، وزوجي الحالي أصغر مني لكن بشوية مش كتير، في السن دا الفرق سنة اتنين أكبر أو أصغر مش كتير المهم ميبقاش قد ابني حسام مثلًا طالما حلال مفيش نقاش فيه".
