إيميه صيّاح:"ما قدرت اتمالك نفسي قدام أولادي بكيت كتير".. ما الذي حصل معها؟
شارك هذا الخبر
Tuesday, October 8, 2024
نشرت الممثلة إيميه صيّاح عبر حسابها على انستغرام: "عنا عادة بالبيت، خاصة بالـweekend، منحط تراتيل الصبح ومنبعدها منسمع فيروز. هيك صار مبارح وسمعنا "نسم علينا الهوا" و"راجعين"، ما قدرت اتمالك نفسي قدام أولادي ومش بس دمعت.. بكيت كتير".
وأضافت صيّاح: "سألني إبني theo ليه عم ببكي.. تلبكت شو جاوب.. قلتلو نص الحقيقة: "اشتقت للبنان". جاوبني: "ما تبكي ماما أنا بساعدك تضبي الشنط، ومنروح علبنان".
وتابعت: "طبعا صرت ابكي بعد أكثر وقلتلو مش قادرين هلق.. قريبا إن شاء الله".
وقالت صيّاح: "مرق النهار.. ولقيت علم لبنان ملزق على الخزانة، وقلو لبيو: "قول للماما ما تبكي.. كل ما اشتاقت للبنان تطلع بالعلم".
وختمت قائلة: "يا ريت قلوب الأطفال هيّي اللّي بتحكم العالم".
