لؤي غندور: "هالمجموعة من الكلاب هيي أخطر علبنان من إسرائيل"
شارك هذا الخبر
Friday, May 7, 2021
كتب المحامي لؤي غندور، في منشور على "فيسبوك"، "لتعرفوا إنو نحنا محكومين من عصابة مجرمين وسفلة (دون أي استثناء)، ولتعرفوا إنو ما في حل إلا إنو نسحبهن من بيوتهن فرداً فرداً ونسحلهن بالشوارع وينتهوا عالأرصفة متل تشاوشيسكو: من شهرين قطعوا الكهربا وذلّوا الناس وبهدلوها بحجة إنو ما في مصاري ليشتروا فيول وإنو المطلوب مليار دولار لترجع الكهربا. وبعد البازار السياسي ببرلمان المافيا أقرّت الكتل الأقل فساداً سلفة ب٢٠٠ مليون دولار وطلبت من الكتل الأكثر فساداً الإكتفاء بهذا القدر من النهب، وبسحر ساحر رجعت الكهربا لطبيعتها بمجرد إقرار السلفة وقبل ما ينصرف أي قرش منها. وبعد كم يوم اعترف وكيل التفليسة غازي وزني بإنو رح يصرف هالسلفة من احتياط الودائع، والناس بقيت قاعدة وساكتة.. واليوم، وبعد شهرين، وبمجرد إنو المجلس الدستوري أبطل قرار منح السلفة اللي ما انصرفت، فجأة بلّشت عصابة المجرمين ومصاصي الدماء تحكينا عن العتمة اللي جايي، وتحطّنا بين خيار العتمة أو خيار القبول بسرقة اللي باقي من مصرياتنا. وهيك عملوا كمان لما جابوا البواخر، وهيك كانوا يعملوا كل مرة قبل تجديد عقد البواخر، وبعدنا منتذكر كيف كانوا يستغلوا فصل الصيف ليذلّوا الناس وليفرضوا عليهن الأمر الواقع. هالمجموعة من الكلاب هيي أخطر علبنان من إسرائيل وأخطر علينا من السرطان، وكل واحد بعدو عم بيدافع عنهن هوي متلن."
