الإعلامية باتريسيا سماحة - ايه قصتنا ما خلصت...قصتنا هلق بلشت

Wednesday, April 7, 2021

وقت بتسال طفل ليش لازم البابا يزور لبنان ويكون الجواب لانو عايزين امان يعني الوجع كبير ، بكون الوجع اكبر من عمر الثماني سنين واكبر من لعبة بتغني وبترقص ، واكبر من فستان زهر ....بكون الطفل خايف ع مستقبل وع وطن وع حلم ....وبس يقلك طفل بلبنان في انفجارات يعني عم يسمع متلو متلك اخبار ، وعم يعتل هم وعم ينقهر وعم يزعل ....وبس بجواب واحد يخبرك عن شي وجعو ويحكي عن الكساندرا الصغيرة يلي قتلها الانفجار ،يعني الطفل وجعو غياب هالملاك الصغير وسأل حالو لوين راحت ، كيف قدرت تترك امها وبيها واصحابها وحياتها ولعبها وتروح ويرجع يقلك بس فكرت انو صارت ملاك بالسما الجواب حمل وجع وايمان ونضال ....هودي اطفالنا هودي همومن ، كبرتوهم قبل عمرهم ولادنا بيعتلو هم الدولار والبنك والوضع الاقتصادي والمدرسة والوضع الامني ، بخافوا ما نرجع من بعد الشغل لان طريقنا من حد المرفأ ، بخافوا ما يضل فينا نشتري من السوبرماركت لان بيسمعونا عمً نحكي عن غلا الاسعار ...بخافوا من ًكل شي بوقت ولاد العالم كلو عم يحلمو ببكرا .....انتو مجرمين ونحنا قصتنا ما خلصت

من سنتين وعلى عيد البشارة العيد الوطني الجامع ست اطفال وجهوا رسائل للعالم كلو باسم المنتدى العالمي للاديان والانسانية ، رسائل فيها من البراءة والصدق والحقيقة اكتر بكتير من كل المؤتمرات واللقاءات والشعارات ... ومن ضمن هالرسائل ،رسالة توجهت فيها طفلة صغيرة للبابا وشاءت الاقدار انو توصل الرسالة لايد البابا بقلب الطيارة بالمغرب وعرفنا من وسائل اعلام ايطالية انو البابا تفاعل مع الرسالة يلي كتبتها كريستابيل بخط ايدها ورسمت عليها قلوب زهر وكتبتلو بحبك يا بابا فرنسيس
البابا رح يزور لبنان ولبنان ما رح يموت.

https://www.instagram.com/tv/CNYLGOYJE27/?utm_source=ig_web_copy_link

مقالات مشابهة

عراجي عبر "تويتر": البلد ليس فقط بغرفة العناية الفائقة ولكن بسبب اخطاء أطبائه وعدم اهليتهم لعلاجه تم وضعه على جهاز التنفس الاصطناعي وأصبح بغيبوبه تامه

مستشفى الحريري: 106 إصابات بكورونا و50 حالة حرجة ولا وفيات

الجيش: زورق حربي معاد خرق المياه اللبنانية مقابل رأس الناقورة

روسيا اليوم: إيطاليا تسجل أكثر من 300 وفاة و15 ألف إصابة بكورونا خلال 24 ساعة

انترفاكس نقلا عن مصدر دبلوماسي: التشيك قررت "على ما يبدو" إغلاق سفارتها في موسكو

الساعة 18:00 من تاريخه حصل حادث تصادم بين دراجة نارية ودراجة توكتوك على اوتوستراد الاسد نفق المدينة الرياضية المسلك الغربي نتج عنه جريحان