الاعلامي شادي ريشا في وداع والده: بغيابه برد، وحدة، فراغ و حزن كتير كبير
شارك هذا الخبر
Tuesday, January 19, 2021
و هيك فجأة ب١٧ كانون التاني ٢٠٢١ ما حدا و ماشي بقي الو معنى، بابا نزيه راح! و بغيابه برد، وحدة، فراغ و حزن كتير كبير، بس نحنا ابناء القيامة و الرجا، نحنا أبناء الحياة يللي انت كنت تعشقها، بوعدك انو ماما دعد، نيكول و أنا رح نكمّل كل يللي إنت بلّشتو و أكتر و وحياتك رايحين للاخر مع الكل و بكل الامور متل ما إنت بتريد. رح نبقى عيلة ال٤ يللي كلمتنا وحدة بوج العالم كلو. ما بعمرك المال و الممتلكات أو اي شي فاني كان يعنيلك، عيّشتنا برفاهية بوقت انت كنت تحب البساطة و التواضع و المشاركة و العطاء و هيك رحت ببساطة وحدك بلا ولاشي عغفلة. منحبك كتير و عم نشتقلك كتير. نفسك أكيد بالسما لان متل ما كل شخص قال بوداعك 'راح نزيه الآدمي' و الاوادم متلك مثواهن الملكوت السماوي. خلي عينك علينا من فوق بابا و صليلنا ✝️💜
