نادين نجيم في رسالة مدوية: وجهي بيترمم... بس النفسية ما بعمرها بطيب
شارك هذا الخبر
Friday, August 7, 2020
بعد خضوعها لعملية جراحية إثر إصابتها بانفجار مرفأ بيروت، كتبت الممثلة نادين نسيب نجيم على حسابها عبر "تويتر" التالي: "دموعي ما عم تنشف والخوف سرق النوم من عيوني بشكر الله كل ثانية ولادي بخير ويسوع عطاني عمر جديد وجهي بيترمم الجروحات بطيب بس النفسية ما بعمرها بطيب عم فكر كل الوقت بالشهداء بالأطفال بالجرحى بالأمهات عم صللي للكل اقسى تجربة وأصعب لحظة تشوف الموت بعيونك الله يكون بعون كل المصابين".
وكشفت نجيم الأحداث التي عاشتها بسبب الإنفجار عبر موقعها على "إنستغرام" وتفاصيل اللحظات المرعبة التي عاشتها، وأرفقتها بفيديو يكشف لما تعرض له منزلها بسبب الانفجار.
وكتبت قائلة: "بشكر ربي أولا رجع خلقني وأعطاني عمر جديد، الانفجار كان قريب والمنظر مش متل الحكي فعلا يلي بيفوت علبيت وبيشوف الدم وين ما كان وكل شي مكسر ما بيقول انه بعدنا عايشين الحمدالله الف مرة عطاني القوة انزل 22 طابق حافية مغطسة بالدم تقدر خلص حالي الناس كلها مدممة جرحى قتلى سيارات مكسرة ناس عم تصرخ وتبكي وقفت سيارة قلتله دخيلك ساعدني كان ابن حلال وصلني على اول مشفى رفضوا يستقبلوني لانه كانت مكدسة بالجرحى رجع اخدني على مشفى المشرق اسعفوني وخضعت لعملية 6 ساعات لانه نص وجهي وجسمي مدمم بس يلي شفته عل ارض صعب كتير ينوصف فعلا وكأنه قنبلة نووية شكرا يا رب انك حميتني وحمدالله ولادي بخير وسلامة ما كانوا بالبيت بشكر الله كل لحظة ويا رب ترحم الموتى وتشفي الجرحى".
كما أضافت في تعليق لها على نفس المنشور قائلة: "كنت قاعدة جنب الشباك عم شوف تلفزيون تتخايلوا شو صار فيني؟".
