الاعلامية لارا نون- "لأ مش كفر اللبس والجَخ والمجوهرات.."
شارك هذا الخبر
Tuesday, May 26, 2020
كتبت الاعلامية لارا نون على صفحتها على الفايسبوك:
أكيد كل حياتنا... تغيرت... بس أوعا حدا ينتقد الطريقة يلي كنا عايشين فيها... لأ مش كفر الأعياد والأعراس والمناسبات والدعوات... لأ مش كفر اللبس والجَخ والمجوهرات... لأ مش كفر السيارات والسَفرات والضهرات... لأ مش كفر السهر والكيف والرقص والفقش... نحنا ناس ما شفنا شي غير حرب ودمار وبيوت انهدمت ورجعت تعمّرِت من جديد... نحنا ناس ما شفنا شي غير تهجير وتعتير واحتلال ووصاية وانتداب... نحنا ناس ما شفنا شي غير باسبور ما بيخلّينا غير نضهر من غرفة النوم عالصالون... نحنا ناس منخلص من حرب... منلاقي الحرب التانية ناطرتنا عالمفرق... بس بغير تياب وأكسسوار... مش كتير علينا يلّي عشناه... بيلبقلنا الفرح واللبس والصَرف... بيلبقلنا ومش ندمانين على ولا شي منن... ما حدا بقى يوقف عالأطلال... صحيح يلي عشناه ما بقى يرجع... بس عالقليلة عنا كمشة ذكريات حلوة نخبّرها لولادنا... إذا مش بهالوطن... بغير وطن... عالقليلة نحمل معنا شوية صوَر بالشنطة... ونقول: كان لابقلنا نعيش... إيه كان لابقلنا... ونص!
