بالصور - "ضاحيتي تفرز" نظمت وقفة احتجاجية أمام حرش بيروت
شارك هذا الخبر
Friday, August 9, 2019
نظمت "ضاحيتي تفرز" وقفة أمام حرش بيروت احتجاجاً على الأعمال التي تقوم بها بلدية بيروت في أحد أجزاء الحرش.
وقالت في بيانها: "أصرت السلطة على كل شي تتخلي بيروت ومحيطها من أكبر المدن الملوثة حسب الدراسات. بدل ما يزيدوا المساحات الخضرا والمساحات العامة لتكون متنفس للناس ببيروت، بدل ما يرجعوا حرش بيروت متل ما كان وأحلى بالمساحة و الشجر افرح البشر، بدل ما يرجع بكل زاوية لعبة وقصة وخبرية متل أيام أهلنا. كل يوم عم ياكلوا مساحة جديدة من الحرش وباحتلالات لمساحته و لكل شجرة فيه. اليوم هيدي القطعة لواقفين عليها، هيدي طول عمرها جزء من حرش بيروت وامتداد إله، راح منها الشجر لتصير صحراء جردة، بدل ما يشجروها لترجع جزء من الحرش قرروا يعملوا فيها مشروع يزيدوا التلوث الازدحام، ويمنعنا نتنفس بمساحة خضرا. مبارح كانوا بدن يساوا عليها سوق خضرا و بعدو سوق سمك واليوم بدن يحولوها مرآب لحجز السيارات يعني مقبرة حديد." وقال المنظمون أنه سوف تكون هناك وقفات وتحركات أخرى لوقف مشروع إنشاء مرآب لحجز السيارات في حرش بيروت" .
-74.jpg)
