بالصور - بعد قطع الكهرباء عن "فرن الفقرا".. الأب مجدي علاوي يطلق صرخة والوزيرة البستاني توضح
شارك هذا الخبر

Wednesday, May 22, 2019


وجّه الأب مجدي علّاوي مؤسس جمعية "سعادة السّماء" صرخة باسم الفقراء بعدما تمّ قطع التّيار الكهربائي عن "فرن الفقرا" الذي يقدّم المناقيش للأطفال وكبار السّن الفقراء.

ونشر الأب علّاوي عبر صفحة جمعية "سعادة السماء" على "فيسبوك" صوراً تظهر بطاقة قطع الكهرباء، والمواد التي لم تعد صالحة للإستهلاك بسبب انقطاع التّيار الكهربائي، وأرفقها بمنشور قال فيه: "قطعولنا الكهربا بفرن الفقرا... قطعولنا الكهربا عن 600 ولد بيقصدوا الفرن تبعنا حتى ياكلو منقوشة الصبح لأنو ما معن ياكلو... قطعولنا الكهربا عن فرن بيطعمي 120 ختيار بدن ياخدوا الدوا... ومجبورين ياكلوا قبل الدوا... نعم، بدل ما هني يطعموا الفقرا... قطعولنا الكهربا...".

وأضاف: "اعتبروا هالفرن ممتلكات خاصة لشي نايب أو وزير... اعتبروه حفلة خاصة... اعتبروه عرس من أعراسكن الفاخرة الفاحشة... اليوم قطعتوا الكهربا... وكل اغراضنا راحت للكَب... وأنا وعم كبُّن... عم فكر فيكن واحد واحد... عم فكر بفواتير الكهربا يلي بمناطق معينة ما بتندفع... عم فكر بولادي الواقفين ناطرين ياكلو عالباب...".

وتابع: "نحنا بزمن الإقطاع... بزمن الفساد... بزمن الفجور السياسي... جايي يوم الدينونة والحساب... وهناك البكاء وصريف الأسنان... صدقوني... ولادي والختيارية عباب الفرن... مش قادر خبّرن إنو دولتي قطعت الكهربا... يا ويلكن من دعوة الفقير... يا ويلكن... وأحلى شي حاطين رقم تلفون وخط ساخن... عم ندق عليه ما حدا بيرد... أبدعتوا بالنفاق... أبدعتوا...".

من جهتها غردت الوزيرة ندى البستاني قائلة:
بعد متابعتي لموضوع انقطاع التيار الكهربائي عن جمعية "سعادة السماء" واتصالي بالأب مجدي علاوي، وإرسالي فريقاً من الفنيين للوقوف على حقيقة الواقع، تبيّن ان هناك فواتير غير مسددة، فوعد الأب علاوي بدفعها اليوم. يهمّني التأكيد ان المواطنين متساوون في الحقوق والواجبات.

مقالات مشابهة

ضاهر: أن المفاوضات مع وزير التربية كانت بنّاءة

أبو العردات: ورشة المنامة أفرغت من مضمونها وستبوء بالفشل

"رويترز" نقلاً عن حاكم مصرف لبنان: أعتقد أنّ وضع السيولة سيتحسن خلال الأشهر الستة المقبلة

الغارديان- لا للابتزاز

الفاينشيال تايمز- خسارة اسطنبول قد تكون بداية النهاية لسيطرة اردوغان على تركيا

التحكم المروري: 4 جرحى نتيجة اصطدام مركبة بعمود انارة على اوتوستراد خلدة باتجاه بيروت

متفرغو اللبنانية أكدوا استمرار الاضراب: نأمل في التوصل إلى اتفاق يرضي الجميع

عدوان: رحم الله شيخ الكرامة والعنفوان

إضراب في مخيمي المية ومية وعين الحلوة وتحركات احتجاجية رفضا لصفقة القرن ومؤتمر البحرين